അമ്മമാരുടെ ദുഖം

കാശ്മീരില്‍ ഇന്ത്യന്‍ സുരക്ഷാ ഭടന്മാരുമായി ഉണ്ടായ ഏറ്റുമുട്ടലില്‍ മലയാളികള്‍ ഉള്‍പ്പെട്ടു എന്ന് കേട്ടപ്പോള്‍ ആദ്യം വിശ്വസിക്കുവാന്‍ കഴിഞ്ഞില്ല।എന്നാല്‍ ഒടുവില്‍ അതു സ്തിതീകരിച്ചു।



കൊല്ലപ്പെട്ട യുവാവിന്റെ മാതാവ് പറഞ്ഞ വാക്കുകള്‍ ആണ് മനസ്സില്‍ തട്ടിയത്। അതും ഏതാനും ചിലര്‍ ചെയ്യുന്ന കുത്സിതപ്രവര്‍ത്തനങ്ങളുടെ പേരില്‍ ഒരു വിഭാഗത്തെ മൊത്തം സംശയത്തിന്റെ കണ്ണുകളോടെ നിരീക്ഷിക്കുമ്പോള്‍. “ആ രാജ്യദ്രോഹിയുടെ മ്ര്‌തശരീരം എനിക്ക് കാണണ്ട” എന്ന് ഒരു അമ്മ പറയുമ്പോള്‍ അവരുടെ ഹൃദയം എത്രമാത്രം നുറുങ്ങുന്നുണ്ടാകും എന്ന് ഒരു പക്ഷെ മറ്റുള്ളവര്‍ക്ക് മനസ്സിലാക്കുവാന്‍ പറ്റില്ല।നൊന്തുപെറ്റ മകന്‍ അവന്‍ എത്ര കൊള്ളരുതായ്മചെയ്താലും ഒരു അമ്മയെ സംബന്ധിച്ചേടത്തോളം അവനെ തള്ളിപ്പറയുവാന്‍ മനസ്സുവരില്ല।എന്നാല്‍ ഇവിടെ ഈ അമ്മ അവന്റെ ജീവനറ്റ ശരീരം ഏറ്റുവാങ്ങുവാന്‍ തയ്യാറായില്ല।അവന്റെ മാത്രമല്ല മറ്റൊരു ആളുടേ മാതാപിതാക്കളും കൊല്ലപ്പെട്ടവരുടെ മൃത്ശരീരം ഏറ്റുവാങ്ങിയില്ല।അവര്‍ തകര്‍ന്ന ഹൃദയത്തിന്റെ വിഷമം ഉള്ളില്‍ ഒതുക്കി ത്ങ്ങളുടെ രാജ്യസ്നേഹം പ്രകടമാക്കി।

ആ അമ്മയേയും കുടുമ്പത്തെയും ഒറ്റപ്പെടുത്താതെ സംരക്ഷിക്കേണ്ടചുമതല നമ്മുടെ സമൂഹത്തിനുണ്ട്।മറിച്ച് അവരെ മകന്‍ ചെയ്ത തെറ്റിന്റെ പേറില്‍ ക്രൂശിക്കരുത്।



മുമ്പ് പെണ്‍കുട്ടികള്‍ ഉള്ള അമ്മമാര്‍ക്കായിരുന്നു ഉള്ളില്‍ തീ। ഇന്നത് മറിച്ചായിരിക്കുന്നു। ആണ്‍കുട്ടികള്‍ ഇടപെടുന്ന ചീത്ത കൂട്ടുകെട്ടുകള്‍ അവരെ ഏതുതലത്തില്‍ വരെ എത്തിക്കും എന്ന് സമീപകാല സംഭവങ്ങള്‍ വ്യക്തമാക്കുന്നു।ഒരിക്കല്‍ പെട്ടുപോയാല്‍ പിന്നീടൊരിക്കലും തിരിച്ചുപോരാനാകാത്തത്രയും വലിയ കെണികളില്‍ ആണ് പലരും പെട്ടുപോകുന്നത്।കഷ്ടപ്പെട്ട് വളര്‍ത്തിയുണ്ടാക്കുന്ന മക്കള്‍ രാജ്യദ്രോഹപ്രവര്‍ത്തനങ്ങളില്‍ ഏര്‍പ്പെടുന്നു എന്നത് ഓരോ അമ്മമാരുടേയും സങ്കടത്തെ വ്ര്‍ദ്ധിപ്പിക്കും,



മത പഠനം ഒരു തെറ്റായകാര്യമല്ല।സ്വന്തം മതത്തെകുറിച്ചും തന്റെ സമൂഹത്തിലെ മറ്റു മതങ്ങളെ കുറിച്ചും അറിഞ്ഞിരിക്കേണ്ടത് അത്യാവശ്യമാണ്।എന്നാല്‍ മതത്തിന്റെ പേരില്‍ രാജ്യത്ത് അസ്വസ്ഥത ശ്രിഷ്ടിക്കുന്ന ശക്തികളെ ഒറ്റക്കെട്ടായി ചെറുക്കേണ്ടതും ആവശ്യമുണ്ട്।ഇതിനു പ്രധാനമായും അതാതു വിഭാഗങ്ങള്‍ തന്നെ ആണ് മുങ്കൈയ്യെടുക്കേണ്ടതും।തെറ്റുചെയ്തവന്‍ സ്വന്തം സമുദായക്കാരനായാല്‍ അവനെ ന്യായീകരിക്കുകയും അന്യസമുദായക്കാര്‍ക്കുമേലും ഭരണവ്യവസ്ഥക്കുമേലും കുറ്റം ചാരാതെ തെറ്റുചെയ്തവരെ ഒറ്റപ്പെടുത്തുകയും സമൂഹത്തിലെ യുവതലമുറയെ ശരിയുടെ പാതയിലേക്ക് നയിക്കുകയും ആണ് വേണ്ടത്.